Fara á efnissvæði

Hvernig getum við aðstoðað?

Þjónustuver HS Orku er opið alla virka daga frá 8:30-15:30

Mikill áhugi á jarðvarma á COP31

Processed 460A314e A806 4Bdd 8B7b 1Fd7da0790d7 (1)
Finnur Sveinsson og Lilja Magnúsdóttir

Lilja Magnúsdóttir, framkvæmdastjóri auðlinda hjá HS Orku, og Finnur Sveinsson, framkvæmdastjóri sjálfbærni og aðfanga, tóku þátt í loftslagsráðstefnu Sameinuðu þjóðanna, COP31, sem fram fór í Tyrklandi dagana 9-20. nóvember. Lilja og Finnur voru hluti af sendinefnd Íslands sem umhverfis-, orku- og loftslagsráðuneytið og Green by Iceland stóðu að. 

Nýting jarðvarma tólffölduð? 

Á ráðstefnunni í ár var lögð rík áhersla á að þjóðir raungeri markmið sín í loftslagsmálum. Jarðvarmi var áberandi í umræðunni, og meðal annars var undirrituð alþjóðleg yfirlýsing um að tólffalda nýtingu jarðvarma á heimsvísu fyrir árið 2050. 

„Það var gaman að sjá þann mikla áhuga sem var á jarðvarma á COP31,“ segir Lilja. „Þessi aukna áhersla skapar mikil tækifæri fyrir Ísland, enda búum við yfir áratuga reynslu og verðmætri þekkingu sem getur nýst öðrum ríkjum í orkuskiptum.“ 

Auðlindagarðurinn fyrirmynd í raunhæfum aðgerðum 

Hér á landi eru mörg dæmi um raunhæfar aðgerðir í loftslagsmálum. HS Orka hefur meðal annars sýnt þær í verki í Auðlindagarði fyrirtækisins. Þar hefur fjölnýting auðlindastrauma lagt grunninn að fjölbreyttri fyrirtækjaflóru, allt frá ferðaþjónustu og snyrtivöruframleiðslu til eldis á laxfiski og framandi fisktegundum. Hugmyndafræði Auðlindagarðsins byggir á hringrásarhagkerfinu, þar sem afgangur eins verður auðlind annars. 

Tækni- og viðskiptaumhverfið að breytast 

Á ráðstefnunni komu saman stjórnvöld, fyrirtæki og sérfræðingar víða að úr heiminum. Finnur segir sjónarmið alþjóðlegra fyrirtækja hafa vakið sérstaka athygli sína. 

„Það var mjög áhugavert að hlusta á fulltrúa alþjóðlegra fyrirtækja lýsa sýn sinni á það hvernig tækni- og viðskiptaumhverfið er að breytast með hliðsjón af loftslagsbreytingum og hverjar áherslur þeirra eru til framtíðar,“ segir Finnur. „Það var hressandi að heyra þá ræða hvernig hægt er, með réttu hugarfari, að snúa þeim vandamálum sem við glímum við upp í viðskiptatækifæri.“ 

Þétt dagskrá frá morgni til kvölds 

Lilja og Finnur tóku virkan þátt í þéttskipaðri dagskrá ráðstefnunnar. Lilja tók þátt í umræðum á vegum Climate Knowledge Initiative undir yfirskriftinni Opportunities and Challenges of Geothermal. Einnig sat hún í pallborði um orkuskipti á norðurslóðum, tók þátt í hringborðsumræðum um það hvernig endurhugsa megi losun og hliðarstrauma út frá hringrásarhugsun og sat í pallborði um hlutverk jarðvarma í orkuskiptum. 

Finnur tók þátt í pallborðsumræðum um loftslagsaðgerðir norrænna fyrirtækja, Nordic Companies’ Approach to Climate Action ásamt því að sækja fjölbreytta fyrirlestra og vinnustofur, einkum á sviði orkunýtingar og sjálfbærni. 

 

Photo 2026 11 12 08 58 44 (1)
1600Px Colourbox74026573 (1)

Fréttir

Skoða allar fréttir
Samfélagssjóður HS Orku styrkir 23 samfélagsverkefni HS Orka Event Gardarolafs 56

20.11.2026

Samfélagssjóður HS Orku styrkir 23 samfélagsverkefni

Lesa nánar
Mikill áhugi á jarðvarma á COP31 Processed 460A314e A806 4Bdd 8B7b 1Fd7da0790d7 (1)

20.11.2026

Mikill áhugi á jarðvarma á COP31

Lesa nánar
Vörumerki HS Orku verðlaunað á CHARGE DSC01488 (1)

21.10.2026

Vörumerki HS Orku verðlaunað á CHARGE

Lesa nánar
Nýr raforkusamningur Norðuráls og HS Orku tekur gildi A Century Ice1920x1080 41

01.10.2026

Nýr raforkusamningur Norðuráls og HS Orku tekur gildi

Lesa nánar
HS Orka tekur þátt í rafvæðingu strandveiðiflotans Img 7328

17.09.2026

HS Orka tekur þátt í rafvæðingu strandveiðiflotans

Lesa nánar
Opið fyrir umsóknir í Samfélagssjóð HS Orku Safsadfa

02.09.2026

Opið fyrir umsóknir í Samfélagssjóð HS Orku

Lesa nánar
Mikill viðbúnaður á Reykjanesi vegna almyrkvans Picture5 603876

11.08.2026

Mikill viðbúnaður á Reykjanesi vegna almyrkvans

Lesa nánar
HS Orka kaupir Múlavirkjun Múlavirkjun Á Snæfellsnesi

28.07.2026

HS Orka kaupir Múlavirkjun

Lesa nánar
HS Orka leggur Jarðhitaskólanum lið Jarðhitaskóli Unesco 2026 Lýst (1)

16.07.2026

HS Orka leggur Jarðhitaskólanum lið

Lesa nánar