Erum við að leita að þér?

HS Orka er framsækið og vaxandi fyrirtæki sem byggir á sjálfbærri orkunýtingu og nýsköpun. Við erum þriðji stærsti orkuframleiðandi landsins og framleiðum rafmagn í Svartsengi, Reykjanesvirkjun, Brúarvirkjun og Fjarðarárvirkjunum. Einnig seljum við heitt og kalt vatn til heimila og fyrirtækja.

Ef þú vilt ganga til liðs við fjölbreyttan og skemmtilegan hóp og býrð yfir ríkri öryggisvitund, þekkingu, reynslu og áhuga þá hvetjum við þig eindregið til að sækja um.

Ábyrgð

Yfirverkefnastjóri auðlinda ber ábyrgð á undirbúningi, framkvæmd og eftirfylgni verkefna sem tengjast auðlindastýringu, rannsóknum og nýsköpun með það að markmiði að tryggja sjálfbæra og hagkvæma nýtingu jarðhitakerfa HS Orku. Starfið felur í sér greiningu á stöðu og þróun auðlinda, frumkvæði að umbótum og nýsköpun, sem og virka miðlun upplýsinga til hagsmunaaðila.

Verksvið og helstu verkefni

• Stýra og fylgja eftir verkefnum tengdum auðlindastýringu og eftirliti fyrir jarðhitakerfi sem nú eru í rekstri ásamt þróun og auðlindamati á nýjum jarðhitasvæðum.
• Rannsóknir og nýsköpun á sviði auðlinda.
• Taka þátt í undirbúningi og framkvæmd verkefna, þar á meðal borframkvæmda, mælinga og þróunarverkefna.
• Vinna að gerð verkefna- og kostnaðaráætlana og eftirfylgni með fjárhagslegum og tæknilegum þáttum verkefna.
• Meta stöðu auðlinda og veita ráðgjöf um nýtingu, vinnslumöguleika og sjálfbæran rekstur.
• Þróa nýjar aðferðir, verkferla og tæknilausnir sem nýtast við ákvarðanatöku í auðlindastýringu.

Kröfur

• MSc gráða í verkfræði. 
• Góð þekking á jarðhitanýtingu, forðafræði, mælingum og rannsóknum tengdum jarðhitakerfum.
• Kunnátta í forritun (t.d. Python og SQL) og reynsla af notkun gervigreindarlausna við gagnaúrvinnslu og greiningu.
• Reynsla af verkefnastjórnun, áætlanagerð og eftirfylgni verkefna.
• Mjög góð nákvæmni og vandvirkni í vinnubrögðum.
• Góð greiningarhæfni, frumkvæði og geta til að vinna sjálfstætt og markvisst.
• Góð kunnátta í íslensku og ensku, bæði í ræðu og riti.

Frekari upplýsingar veitir Petra Lind Einarsdóttir mannauðsstjóri, petra@hsorka.is.

Um starfið

Viðskiptastjóri ber ábyrgð á að samningar í fjárfestingarverkefnum séu skýrir, mælanlegir og í samræmi við skilmála og stefnu og undirstefnur fyrirtækisins, svo sem í umhverfis- og öryggismálum.  

Viðskiptastjóri heyrir undir svið sjálfbærni og aðfanga en vinnur náið með öllum sviðum fyrirtækisins og er hluti af verkefnateymum í framkvæmdarverkum. Viðskiptastjóri gegnir veigamiklu hlutverki við innleiðingu skilvirkra verkferla þar með eftirfylgni með tíma- og fjárhagsáætlunum sem og í samskiptum við verktaka og birgja þegar upp kemur faglegur ágreiningur í samningum.  

Verksvið og helstu verkefni

• Móta samningastefnu í verkefnum.
• Hafa yfirumsjón með gerð samninga.
• Innleiða viðskipta- og samningsstjórnun hjá HS Orku.
• Tryggja að samningar uppfylli skilyrði og stefnu HS Orku.
• Tryggja að samningar séu mælanlegir, skýrir og í samræmi við samningsákvæði.
• Ferla eftirfylgni með verk- og fjárhagsstöðu verkefna í rauntíma.
• Greina tækifæri til framfara.
• Túlkun samninga og samskipti við verktaka og birgja á verktíma.

Kröfur

Við leitum að einstaklingi sem hefur skilning á verklegum framkvæmdum og reynslu af gerð verksamninga og samninga um kaup á vélum og búnaði. Viðkomandi þarf að hafa auga fyrir smáatriðum, vera lausnamiðaður, sjálfstæður, hafa þróað með sér öguð vinnubrögð og færni í samningatækni og eiga auðvelt að vinna í verkefnateymum.

Góð tungumálakunnátta í íslensku og ensku er nauðsynleg.

Menntun sem nýtist í starfi er nauðsynleg.

Frekari upplýsingar veitir Petra Lind Einarsdóttir mannauðsstjóri, petra@hsorka.is.