Alls hlutu fjögur verkefni styrk í annarri úthlutun Rannsóknasjóðs HS Orku sem fram fór í húsakynnum HS Orku í Turninum í Kópavogi í síðustu viku. Styrkupphæðin að þessu sinni er samtals 14 milljónir króna en alls bárust 66 umsóknir í sjóðinn í ár.
Úthlutunarnefnd sjóðsins er skipuð sérfræðingum úr nokkrum teymum innan HS Orku og hana skipa nú: Helga Frímann, verkefnastjóri umhverfismála, Lárus Þorvaldsson, yfirforðafræðingur, Lárus Guðmundsson, sérfræðingur framkvæmda, og Steinar Ísfeld Ómarsson, sem hefur umsjón með viðhaldsstjórn og vöruhúsi.
Sjóðurinn veitir styrki til afmarkaðra rannsóknarverkefna sem hafa skírskotun til starfsemi fyrirtækisins og/eða til sjálfbærniáherslna HS Orku. Markmið sjóðsins er að efla þekkingu innan fyrirtækisins og stuðla að framförum og nýsköpun í starfseminni.
Eftirfarandi fjögur rannsóknarverkefni hlutu styrk úr sjóðnum í ár:
- CO₂ Atlas bókhald og mat á CO₂ losun jarðhitakerfa í Svartsengi og á Reykjanesi.
- Andri Stefánsson, Jarðhiti
- Quantifying the magmatic CO₂ and SO₂ inputs beneath Svartsengi.
- Simon W. Matthews, Sæmundur Ari Halldórsson, Enikö Bali, Guðmundur Heiðar Guðfinnsson og Alberto Caracciolo, Jarðvísindastofnun Háskólans
- Real-Time Detection of Geothermal Well Performance Changes Using Machine Learning and Historical Data).
- María Sigríður Guðjónsdóttir, Agata Rostran Largeaspada, Háskólinn í Reykjavík og Egill Júlíusson, Arctic Green Energy
- MagmaEst: Improving MAGMA source parameter ESTimates at Svartsengi based on Finite Element Ground deformation models.
- Sonja Greiner og Halldór Geirsson, Háskóli Íslands
Næsta úthlutun úr Rannsóknasjóðnum fer fram að ári liðnu og verður opið fyrir umsóknir í gegnum umsóknarsíðu HS Orku frá 15. janúar til 15. febrúar 2027.
