Fjarðarárvirkjanir

HS Orka á og rekur tvær vatnsaflsvirkjanir í Fjarðará í botni Seyðisfjarðar og er virkjunarleyfi þeirra samtals 9,8 MW.

Fjarðarárvirkjanir voru gangsettar árið 2009. Virkjanirnar tvær nefnast Bjólfsvirkjun og Gúlsvirkjun. HS Orka keypti virkjanirnar í ágúst 2023, en allt frá gangsetningu sá HS Orka um að stýra raforkuframleiðslu þeirra ásamt því að kaupa alla framleiðsluna. 

Góð miðlunarlón eru í Heiðarvatni og Þverárlóni á Fjarðarheiði og miðlun úr þeim gerir HS Orku kleift að nýta framleiðslu virkjananna til að mæta álagstoppum almennra notenda að vetrarlagi. Framleiðsla virkjananna er fyrst og fremst hugsuð sem liður í orkusölu til almennra notenda. Uppsett afl Fjarðarárvirkjana í Seyðisfirði er samtals 9.8 MW.