Að stækka og endurbæta orkuver í skugga jarðhræringa og eldsumbrota þykir saga til næsta bæjar. Að ljúka verkinu á tíma og innan fjárhagsáætlunar samhliða, því að halda rekstri orkuversins órofnum, verður að teljast mikið þrekvirki.
Í heimildarmyndinni Í takti við náttúruna, eftir Baldvin Vernharðsson, er saga HS Orku sögð frá bæjardyrum þeirra sem staðið hafa í stafni í rekstri orkuversins í Svartsengi síðastliðin rúm tvö ár, unnið við stækkunarframkvæmdirnar og tekist á við þær miklu áskoranir sem fylgt hafa náttúruvánni – ekki síst hraunrennsli úr Sundhúksgígaröðinni.
Heimildarmyndin varpar ljósi á útsjónarsemi, þrautseigju og aðlögunarhæfni Íslendinga og þær einstöku aðstæður sem fyrirtækið HS Orka hefur starfað við síðustu misseri í takti við náttúruna á Reykjanesskaga.
Hægt er að horfa á heimildarmyndina hér: Í takti við náttúruna
