Erum við að leita að þér?

HS Orka er framsækið og vaxandi fyrirtæki sem byggir á sjálfbærri orkunýtingu og nýsköpun. Við erum þriðji stærsti orkuframleiðandi landsins og framleiðum rafmagn í Svartsengi, Reykjanesvirkjun, Brúarvirkjun og Fjarðarárvirkjunum. Einnig seljum við heitt og kalt vatn til heimila og fyrirtækja.

Ef þú vilt ganga til liðs við fjölbreyttan og skemmtilegan hóp og býrð yfir ríkri öryggisvitund, þekkingu, reynslu og áhuga þá hvetjum við þig eindregið til að sækja um.

HS Orka leitar að verkefnastjóra til starfa við þróun nýrra verkefna fyrirtækisins.  

Starfið lýtur að undirbúningi og áætlanagerð fyrir nýja virkjunarkosti, skipulags- og leyfismálum,undirbúningi endurbóta og þróun verkefna í rekstri. 

Helstu verkefni 

• Undirbúningur og stýring verkefna á sviði þróunar- og framkvæmda 
• Áætlanagerð, kostnaðarmat og hagkvæmnigreining virkjunarkosta 
• Umsjón með skipulagsvinnu, leyfisferlum og mati á umhverfisáhrifum 
• Gerð verkefna- og framkvæmdaáætlana 
• Samhæfing og samtal við hönnuði, ráðgjafa, sveitarfélög og stjórnvöld 

Menntun og hæfni 

• Meistarapróf í verkfræði eða sambærileg menntun sem nýtist í starfi 
• Reynsla á sviði skipulagsmála og samskipta við opinberar stofnanir er kostur 
• Færni í greiningum, áætlanagerð og kostnaðarmati 
• Góð enskukunnátta 
• Reynsla tengd orkugeiranum er kostur