Erum við að leita að þér?

HS Orka er framsækið og vaxandi fyrirtæki sem byggir á sjálfbærri orkunýtingu og nýsköpun. Við erum þriðji stærsti orkuframleiðandi landsins og framleiðum rafmagn í Svartsengi, Reykjanesvirkjun, Brúarvirkjun og Fjarðarárvirkjunum. Einnig seljum við heitt og kalt vatn til heimila og fyrirtækja.

Ef þú vilt ganga til liðs við fjölbreyttan og skemmtilegan hóp og býrð yfir ríkri öryggisvitund, þekkingu, reynslu og áhuga þá hvetjum við þig eindregið til að sækja um.

Við erum að leita að sérfræðingi til að ganga til liðs við öflugt teymi á fjármálasviði. Um er að ræða nýtt starf í fjölbreyttu og líflegu starfsumhverfi.

Skrifstofur HS Orku eru í Turninum á Smáratorgi og í Svartsengi.

Umsóknarfrestur er til og með 5. mars 2026.

Nánari upplýsingar veitir Petra Lind Einarsdóttir, mannauðsstjóri, petra@hsorka.is.

Helstu verkefni og ábyrgð

• Gerð fjárhagslíkana og fjárhagslegar greiningar.
• Vinna við verðmatslíkön og verðmat eigna samkvæmt viðurkenndum aðferðum.
• Þáttaka í fjár- og áhættustýringu.
• Þátttaka í skýrslugerð, undirbúningi kynningarefnis og miðlun fjárhagsupplýsinga til stjórnar og ytri aðila.
• Þátttaka í áætlanagerð og gerð fjárhagsuppgjöra.
• Þróun á ferlum fjármáladeildar.
• Aðstoð við aðrar deildir á sviði fjármála og uppgjöra.
• Ýmis önnur verkefni á fjármálasviði.

Menntunar- og hæfniskröfur

• Háskólamenntun á sviði viðskipta, hagfræði, verkfræði, eða sambærileg menntun ákjósanleg.
• Jákvætt viðmót og góðir samskiptahæfileikar.
• Nákvæmni, sjálfstæði og frumkvæði í vinnubrögðum.
• Hæfni til að tileinka sér nýjungar.
• Góð tölvufærni er skilyrði, farið er fram á framúrskarandi þekkingu í Excel, þekking á SQL og forritun er kostur.
• Góð íslensku- og enskukunnátta skilyrði.

HS Orka er framsækið og ört vaxandi orkufyrirtæki sem byggir á sjálfbærri nýtingu auðlinda. Áhersla er lögð á að skapa tækifæri með fullnýtingu auðlindastrauma í takti við náttúruna og í sátt við samfélagið.

Spennandi þróunarverkefni eru í undirbúningi á vegum fyrirtækisins, jafnt í jarðvarma sem vatnsafli, auk þess sem kostir vindorku eru til skoðunar til lengri tíma.

Við erum þriðji stærsti orkuframleiðandi landsins og framleiðum raforku í Svartsengi, Reykjanesvirkjun, Brúarvirkjun og Fjarðarárvirkjunum.

Við erum ótrúlega skemmtilegur hópur starfsfólks þar sem áhersla er lögð á lipurð í samskiptum, liðsheild og framsækni. Þannig náum við best markmiðum okkar um ábyrga auðlindanýtingu í sátt við samfélagið.