Tilkynning frá HS Orku


Starfsfólki HS Orku varð nýverið ljóst að fyrirtækið hafði orðið fyrir skipulagðri árás þar sem aðilar komust inní tölvupóstssamskipti félagsins, með þeim afleiðingum að utanaðkomandi aðila tókst að svíkja umtalsverða fjármuni út úr félaginu.

Unnið hefur verið náið með lögregluyfirvöldum hér á landi og erlendis að endurheimt fjármunanna.

Vegna skjótra viðbragða bæði starfsfólks og lögreglu hefur félagið ástæðu til að ætla að stóran hluta fjárhæðarinnar megi endurheimta og þannig verði að líkindum hægt að takmarka afleiðingar glæpsins að miklu leyti.

Málið mun engin áhrif hafa á rekstrargrundvöll, reglubundna starfsemi HS Orku, viðskiptavini eða birgja fyrirtækisins

Vegna rannsóknarhagsmuna er því miður ekki hægt að veita nánari upplýsingar á þessu stigi.

*Tilkynningin var uppfærð klukkan 11: 46