HS Orka tilkynnir um mögulega sölu á 30% hlut í Bláa Lóninu



Í kjölfarið á sýndum áhuga á hlut HS Orku í Bláa Lóninu, tilkynnir félagið að það hyggst kanna mögulega sölu á 30% hlut sínum  í Bláa Lóninu í heild eða að hluta. HS Orka hefur falið Stöplum Advisory að ræða við hugsanlega fjárfesta og stýra ferlinu. Ásgeir Margeirsson forstjóri HS Orku: „HS Orka hefur verið hluthafi í Bláa Lóninu frá upphafi og hefur stolt stutt við vöxt þess. Bláa Lónið er nú með umfangsmikinn rekstur, dafnar og er enn í verulegum vexti. Þrátt fyrir að um einstaka eign sé að ræða og þá fellur starfsemi Bláa Lónsins ekki að kjarnastarfsemi HS Orku sem er framleiðsla og sala endurnýjanlegrar orku. Því ákváðum við að hefja þetta ferli.“ 

HS Orka á 30% hlut í Bláa Lóninu.  Forstjóri HS Orku ásamt stjórnarmanni í HS Orku sitja í stjórn Bláa Lónsins.

Nánari upplýsingar veitir Jón Óttar Birgisson hjá Stöplum Advisory, job@stoplar.com eða í síma 856 2698.