Gróður
Þar sem hraun þekur mest af yfirborði Reykjanesskagans og lítið er um
yfirborðsvatn er fjölbreytni gróðursins ekki mikil. Mikil úrkoma nægir ekki til
að mynda þykkan jarðveg ofaná hrauninu vegna þess hve það er gljúpt. Dæmigert
úthafsloftslag og veturnir sem eru yfirleitt mildir eru plöntum í hag en hins
vegar blæs mikið og lítið er um heita og sólríka sumardaga sem rýrir
vaxtaskilyrði gróðursins verulega. Því er algengasta plantan gamburmosi en
einnig eru þar krækilyng og beitilyng. Nokkuð má sjá af birki sérstaklega við
Straumsvík og í Herdísarvíkurhrauni. Votlendisgróður finnst aðeins á smá blettum
fyrir utan mýrarnar við Kleifarvatn og við Krísuvík. Hér eru engin há og stór
fjöll sem mynda skjól fyrir vindi svo að trén nái að vaxa vel. Því er gróðurinn
mjög lágvaxinn á Reykjanesinu.
Fuglar
Um 170 tegundir fugla sjást á Reykjanesskaganum árlega. Mikið er um vaðfugla og
sjófugla þó spörfuglar séu þeir algengustu. Við sjávarsíðuna má finna árfætlur
(þeir sem hafa sundfitjar milli allra tánna ) svo sem Súlur, díla og toppskarfa.
Einnig má þar sjá svartfugla ( þeir eru svartir og hvítir á ham) álku, langvíu,
stuttnefju, haftyrðill, teistu og lunda. Pípunefir eru þar einnig algengir ( Eru
með tvískipta pípu ofan á gogg) skrofur, fýll, sjó og stormsvala. Vaðfuglar eru
þó nokkuð margir svo sem lóur, spói, jaðrakan, sendlingur, og tildra svo
einhverjir sé nefndir. Mávarnir eru margir líka og er sílamávur þeirra
algengastur þó einnig sé hér töluvert um hettumáv, silfurmáv, svartbak, kríu og
ritu þótt allir þessir fuglar verpi ekki hérna. Af spörfuglum má nefna
maríuerlu.