|
|
|
Breyting á raforkuumhverfi árið 2006
Eftir breytingar sem gerðar voru á raforkulögum geta allir valið
sér þann raforkusala sem þeir telja hagkvæmast og best að skipta
við. Geri menn ekkert kaupa þeir raforkuna frá núverandi
raforkusala, en geta hins vegar fært viðskiptin hvenær sem er
til annars raforkusala.
Raforkuumhverfið fyrir breytingu:
Raforkukaupendur þurftu áður að kaupa rafmagn af því
orkufyrirtæki sem átti dreifikerfið þar sem þeir bjuggu. Notandi
á dreifisvæði HS Veitna keypti þess vegna rafmagn af
HS Orku og notandi sem bjó í Reykjavík varð að kaupa raforkuna hjá
Orkuveitu Reykjavíkur, svo dæmi sé tekið.Til áramóta 2004-2005 voru rafmagnsreikningar ekki
sundurliðaðir. Innheimt var í einu lagi gjöld fyrir framleiðslu
rafmagns, flutning, dreifingu og sölu. Og var því eingöngu ein
sölulína á reikningi fyrir þessum kostnaðarþáttum.
Verðmyndun raforkuverðsins fyrir breytingu:
Raforkuumhverfið eftir breytingu:
Til að koma á samkeppni í raforkusölu þurftu raforkufyrirtæki að
skilja í sundur starfsemi dreifingar annars vegar og vinnslu og
sölu hins vegar. Dreifing raforku verður áfram háð einkaleyfi og
er undir eftirliti Orkustofnunar.
Eftir breytingu getur til dæmis notandi sem er búsettur á
dreifiveitusvæði Norðurorku keypt raforku af HS Orku hf.
Samt sem áður mun dreifiveitan (Norðurorka) innheimta gjöld
fyrir dreifingu og flutning orkunnar eftir sem áður.Eftir breytingu munu notendur, sem skipta um raforkusala, fá
senda tvo rafmagnsreikninga í stað eins, annan fyrir dreifingu
raforkunnar en hinn fyrir sjálfa notkunina.
Verðmyndun heildarverðs raforkunnar eftir breytingu:
Efni fengið að hluta til af vef Orkustofnunar,
www.os.is
|
|