HS Orka

• Stefnir af einurð að því að áhrifin af starfsemi hennar raski sem minnst eðlilegu ástandi og jafnvægi láðs, lagar og lofts og samfélagi manna, dýra og gróðurs.
• Tekur mið af alþjóðlegum stöðlum við stjórnun á áhrifum starfsemi sinnar á umhverfið.
• Stjórn áhrifa af starfsemi HS á umhverfið verður hluti af gæðastjórnun fyrirtækisins.
• Leitast við að beita hverju sinni þeirri tækni sem minnst áhrif hefur á umhverfið, að teknu tilliti til hagkvæmni.
• Á að vera öðrum til fyrirmyndar og eftirbreytni í meðferð á umhverfinu.
• Mun fylgjast með almennri þróun umhverfismála og leitast við, í samstarfi við erlenda og innlenda aðila, að sporna við neikvæðum áhrifum á umhverfið.
• Leitast við að efla umhverfisvitund starfsmanna og almennings.
• Við hönnun skal gert ráð fyrir því að þegar viðkomandi starfsemi lýkur verði ástand umhverfis sem næst því sem það var áður en framkvæmdir hófust.
• Mun fylgja gildandi lögum og reglum á sviði umhverfismála.
• Mun kynna verktökum sínum umhverfisstefnu fyrirtækisins og jafnframt setja þeim skilyrði um umgengni við umhverfið.