Jafnréttisáætlun HS Orku hf
Stefna
Stefna HS Orku hf er að gætt skuli fyllsta jafnréttis milli kvenna og
karla og að hver starfsmaður verði metinn á eigin forsendum óháð
aldri, kyni, kynhneigð, þjóðerni, litarháttar, trú eða
stjórnmálaskoðunum. Þetta á meðal annars við um rétt til starfa,
aðstöðu, menntunar og kjara fyrir jafnverðmæt og sambærileg
störf.
Markmið
Markmið HS Orku hf er að stuðla að jafnri stöðu kynjanna innan
fyrirtækisins og einstaklingurinn fái að njóta sín í þeim
aðgerðum sem áætlunin felur í sér.
Ábyrgð
Ábyrgð á framgangi jafnréttismála er hjá starfsmannastjóra sem
sér til þess að jafnréttisáætlun sé framfylgt og viðhaldið og
leggja mat á hvort markmiðum hennar sé náð. Ef starfsmaður telur
á sér brotið þá mun starfsmannastjóri tryggja viðeigandi aðstoð.
Endurskoðun og kynning
Umsjón með endurskoðun og kynningu skal vera í höndum
starfsmannastjóra og skal hún endurskoðast á tveggja ára fresti.
Jafnréttisáætlun skal kynnt stjórn og starfsmönnum fyrirtækisins.
Aðgerðir
·
Gæta skal jafnréttis við ráðningar og tilfærslur í starfi.
(jafna stöðu kynja). Í auglýsingum um laus störf skulu bæði
kynin hvött til að sækja um starfið.
·
Leitast skal við að jafna
hlutfall kvenna og karla í hinum ýmsu störfum innan
fyrirtækisins. (ekki flokka í kvenna og karlastörf)
·
Við
launaákvarðanir skal greiða jöfn laun og
sömu kjör fyrir jafnverðmæt og sambærileg störf og taka tillit
til umfangs og ábyrgðar starfs
,
menntun og reynslu (úrbætur að uppræta
launamun).
Konur og karlar skulu eiga jafnan aðgang að starfsmenntun og
þjálfun og skulu liggja fyrir upplýsingar um skráningu á
námskeið hjá fyrirtækinu.
(sömu
möguleikar á þjálfun).
·
Við stofnun vinnuhópa skal taka mið af verkefninu og hafa
þekkingu starfsmanna að leiðarljósi. Í formlegum vinnuhópum skal
útbúa erindisbréf verkefnisins þar sem hópmeðlimir eru
tilgreindir (nefndir og ráð).
·
Leitast skal við að skapa starfsmönnum aðstæður til að samræma
atvinnu- og fjölskyldulíf með því til dæmis að auðvelda
starfsmönnum endurkomu eftir veikindi eða fæðingarorlof með því
að bjóða uppá hlutastörf þar sem því verður við komið (samræming).
·
Boðið verður uppá fræðslu um einelti og kynferðislega áreitni,
slík hegðun er ekki liðin (einelti).
(
Orðin í sviganum í “aðgerðir” er vísun í þau atriði sem
félagsmálaráðuneytið gefur út að þurfi að koma fram í
jafnréttisáætlun fyrirtækja
.)
|