Breytingar urðu á eignarhaldi á fyrirtækinu þegar Geysir Green Energy seldi Magma Energy A.B Sweeden allan hlut sinn í fyrirtækinu. Magma Energy á eftir breytinguna 98,526% í HS Orku hf.

Umræður voru miklar um fyrirtækið í fjölmiðlum og víðar þar sem þess var krafist að salan og jafnvel uppskipting fyrirtækisins yrði látin ganga til baka. Undirskriftasöfnun fór af stað á netinu þar sem þess var krafist að auðlindir yrðu í opinberri eigu. Rétt er að taka fram að þær auðlindir sem fyrirtækið vinnur jarðvarma úr eru nú þegar í opinberri eigu. Þá var einnig umræða um að vinnslugeta svæðisins á Reykjanesi væri ofmetinn og var því svarað af jarðfræðingum fyrirtækisins og fleirum.

Fjárfestingar á árinu voru alls 2,9 milljarðar.

Raforkuframleiðsla frá orkuverunum var alls 1.349,4 GWst. Heitavatnsframleiðsla var alls 11,5 milljónir tonn. Heildarvinnsla úr jarðhitasvæðinu í Svartsengi var 6,824 milljón tonn eða 3,9% minni en árið 2009. Niðurdæling var alls 5,465 milljón tonn eða 16,3% minni en árið 2009. Á Reykjanesi var vinnslan úr jarðhitasvæðinu alls 18,415 milljón tonn eða 0,5% minna en árið 2009. Niðurdæling var 2,194 milljón tonn eða 234% meiri en árið áður.

Ný túrbína ásamt eimsvala vegna fyrirhugaðrar stækkunar Reykjanesvirkjunar kom til landsins í upphafi sumars. Virkjanaleyfi fyrir stækkuninni hafði enn ekki fengist og sóttu fulltrúar fyrirtækisins fjölmarga fundi með fulltrúum Orkustofnunar vegna málsins.

23. febrúar var Íslenska Ánægjuvogin afhent fyrirtækinu en þetta var áttunda árið í röð sem fyrirtækið er hlutskarpast í þessari mælingu á ánægju viðskiptavina sem Samtök Iðnaðarins, Stjórnvísi og Capacent Gallup standa að.

8. apríl var undirritaður samningur við gagnaverið Thor Data Center um orkukaup. Gagnaverið er staðsett í Hafnarfirði.

Þann 17. maí var undirritaður samningur við Grindavíkurbæ um sölu á landi og jarðhitaauðlind í Svartsengi. Einnig var gerður samningur um endurleigu lands og réttinda í 65 ár í samræmi við lög sem um þetta gilda. Grindavíkurbær gekk með þessu inn í samning sem gerður var árið áður við Reykjanesbæ.

23. júní var aðgengi formlega opnað aftur að Gunnuhver á Reykjanesi en það hafði verið lokað fyrir fólki í um 2 ár vegna virkni í hvernum. Fyrirtækið tók þátt í að laga aðgengi að hvernum með gerð bílastæða, lagningu göngustíga og timburpalla.

Í júlí var gerð tilraun til örfunar holu 29 á Reykjanesi þegar eldflaugaeldsneyti var látíð síga niður í holun í sérstökum hylkjum og það sprengt. Þetta er í fyrsta skipti sem slíkt tækni er notuð hér á landi.

4. ágúst kom upp bilun í holu 24 Svartsengi (niðurdælingarhola) þegar vél 12 í Svartsengi sló út. Þegar vökvi hætti að renna ofan í holuna tók hún að blása af miklum krafti, kraftarnir voru svo miklir að holuloki og annar búnaður gengu upp um rúman metra.

Alls komu um rétt tæplega 5.800 manns í heimsókn til fyrirtækisins, fengu fræðslu um orkuvinnsluna og af hverju hægt er að vinna jarðhita á Reykjanesskaganum.

Fjöldi starfsmanna í árslok var 133 í 131 stöðugildi. Stór hluti þessara starfsmanna sinnir nær eingöngu þjónustu við HS Veitur hf.